మార్చి 31తో ముగిసిన వారానికి మన దేశ విదేశీ మారక నిల్వలు 2.02 బిలియ‌న్ డాలర్లు పెరిగి 369.95 బిలియ‌న్ (రూ. 24.2 ల‌క్ష‌ల కోట్ల) డాలర్లకు చేరుకున్నాయి. మొత్తంలో అత్య‌దికంగా విదేశీ కరెన్సీ ఆస్తుల వాటా 2.08 బిలియ‌న్ డాల‌ర్ల మెరుగుద‌ల‌తో 346.32 డాల‌ర్ల‌కు చేరింద‌ని ఆర్‌బీఐ తెలిపింది.

ఇదేకాలంలో బంగారం నిల్వలు 4.5 కోట్ల డాలర్లు తగ్గి 1,987 కోట్ల డాలర్లకు చేరుకున్నాయి. అంతర్జాతీయ ద్రవ్య నిధి (ఐఎంఎఫ్‌) వద్ద భారత స్పెషల్‌ డ్రాయింగ్‌ రైట్స్‌ 51 లక్షల డాలర్లు తగ్గి 145 కోట్ల డాలర్లకు చేరాయి. అదే విధంగా ఐఎంఎఫ్‌ వద్ద మన దేశ నిల్వలు 1.07 కోట్ల డాలర్లు క్షీణించి 232 కోట్ల డాలర్లకు చేరినట్టు భారత రిజర్వు బ్యాంకు తెలిపింది. మార్చి 24తో ముగిసిన వారంలో దేశ విదేశీ మార‌క నిల్వ‌లు 1.15 బిలియ‌న్ డాల‌ర్ల మేర పెరిగి 367.93 డాల‌ర్లుగా న‌మోద‌య్యాయి.