ఉత్ప‌త్తులలో పెరుగుద‌ల‌తో పాటు, కొత్త ఆర్డ‌ర్లు ఆశాజ‌న‌కంగా ఉండ‌టంతో త‌యారీ రంగంలో మెరుగుద‌ల 5 నెల‌ల గ‌రిష్టానికి వెళ్లింది. నిక్కీ పీఎంఐ(ప‌ర్చేజింగ్ మేనేజ‌ర్స్ ఇండెక్స్) సూచీ మార్చి నెల‌లో 52.5(ఫిబ్ర‌వరి-50.7)కి పెరిగింది. ఈ సూచీ 50కి పైగా ఉంటే ఆశావాహ ప‌రిస్థితుల‌ను, త‌క్కువ ఉంటే త‌యారీ రంగంలో నిరాశ‌జ‌న‌క ప‌రిస్థితుల‌ను సూచిస్తుంది.
"కొత్త ఆర్డ‌ర్లు ఎక్కువ అవ్వ‌డంతో ఉత్పాద‌క‌త పెరిగింది. దాంతో పాటు కొనుగోలు చేసే ఇన్‌పుట్ ఉత్ప‌త్తులు పుంజుకున్నాయి. ఉత్పాద‌క‌త ల‌క్ష్యాల‌ను చేరుకునేందుకు సంస్థ‌లు ఉద్యోగులను నియ‌మించుకోవ‌డం ఎక్కువైంది." అని స‌ర్వే వెల్ల‌డించింది. ఒక ప‌క్క ఇన్‌పుట్ ఖ‌ర్చులు, అవుట్‌పుట్ రుసుములు ఎక్కువైన‌ప్ప‌టికీ ద్ర‌వ్యోల్బ‌ణం ఫిబ్ర‌వ‌రిలో ఉన్న‌దాని క‌న్నా త‌గ్గ‌డం మంచి విష‌యమని స‌ర్వే పేర్కొంది.