మూడు రోజులపాటు మార్కెట్లు లాభాల్లో కొన‌సాగిన త‌ర్వాత శ‌నివారం ట్రేడర్లు లాభాల కోసం కొంతమేర అమ్మకాలకు ప్రాధాన్యమివ్వ‌డంతో దేశీయ మార్కెట్లు న‌ష్టాల‌కు గుర‌య్యాయి. మరోపక్క ఇన్వెస్టర్లు కొనుగోళ్లకు ఆసక్తి చూపడంతో ఇంట్రాడేలో నిఫ్టీ, సెన్సెక్స్‌ గత గరిష్ట ముగింపు రికార్డులను అందుకున్నాయి. ట్రేడింగ్‌ ముగిసేసరికి సెన్సెక్స్‌ 27 పాయింట్లు తగ్గి 29,620 వద్ద నిలవగా.. నిఫ్టీ యథాతథంగా 9,174 వద్దే స్థిరపడింది. ఇంట్రాడేలో సెన్సెక్స్‌ 29,688-29,553 పాయింట్ల మధ్య ఊగిసలాడగా.. నిఫ్టీ 9,191 వద్ద గరిష్టాన్నీ, 9,152 వద్ద కనిష్టాన్నీ చవిచూసింది.ఈ నెల‌లో ఎన్ఎస్ఈ సూచీ 3.1% పైకి ఎగ‌బాకింది. యూపీలో మోదీ ప్ర‌చారం విజ‌యవంతం అవ్వ‌డంతో ఒక ద‌శ‌లో మార్చి17న రికార్డు స్థాయి 9218 వ‌ర‌కూ వెళ్లింది.