దేశంలో అతిపెద్ద ప‌న్ను సంస్క‌ర‌ణ అమ‌లుకు సంబంధించిన నాలుగు జీఎస్‌టీ బిల్లుల‌కు కేంద్ర మంత్రి వ‌ర్గం సోమ‌వారం ఆమోదం తెలిపింది. సెంట్ర‌ల్ జీఎస్‌టీ, ఇంటిగ్రేటెడ్‌ జీఎస్‌టీ, యూటీబిల్లు, న‌ష్ట‌ప‌రిహార సంబంధిత బిల్లు త‌దిత‌రాల‌కు న‌రేంద్ర మోదీ నేతృత్వంలోని కేబినెట్ ఆమోదం ల‌భించిన‌ట్లు సంబంధిత వ‌ర్గాలు తెలిపాయి. ప్ర‌స్తుతం కొన‌సాగుతున్న బ‌డ్జెట్ స‌మావేశాల్లోనే ఈ బిల్లుల‌ను ఆర్థిక‌మంత్రి పార్లమెంటు ఉభ‌య‌సభ‌య‌ల్లోనూ ప్ర‌వేశ‌పెడ‌తారు. ప్ర‌భుత్వం ఎట్లాగైనా జీఎస్‌టీని జులై 1 నుంచి అమ‌ల్లోకి తీసుకురావాల‌ని ప‌ట్టుద‌ల‌తో ఉన్న నేప‌థ్యంలో పార్ల‌మెంటులో ఆయా బిల్లుల‌ను మ‌నీ బిల్లులుగా తీసుకువ‌చ్చే అవ‌కాశం ఉంది. స్టేట్ జీఎస్‌టీ బిల్లుల‌ను రాష్ట్ర ప్ర‌భుత్వాల క్యాబినెట్‌లు ఆమోదించి వాటి అసెంబ్లీల ముందుకు తీసుకురావాల్సిన అవ‌స‌రం ఉంది.