జ‌న‌వ‌రి నెల‌కు దేశ పారిశ్రామికోత్ప‌త్తి(ఐఐపీ) సూచీ 2.7% పెరిగింది. ఒక ప‌క్క నోట్ల ర‌ద్దుతో ప‌లు రంగాలు స‌త‌మ‌త‌మ‌వుతున్న త‌రుణంలోనే మైనింగ్‌, విద్యుత్‌, త‌యారీ రంగాలు సానుకూల వృద్దిని క‌న‌బ‌చ‌డం విశేషం. మైనింగ్‌(5.3%), విద్యుత్ లేదా ఇంధ‌న రంగం(3.9%), త‌యారీ రంగం(2.3%) మంచి వృద్ది క‌న‌బ‌ర‌చ‌డం ప్ర‌భుత్వానికి ఉత్సాహాన్ని అందిస్తుంద‌న‌డంలో సందేహం లేదు.
దీనికి భిన్నంగా గ‌తేడాది చివ‌రి నెల డిసెంబ‌రులో ఐఐపీ రుణాత్మ‌క వృద్దిని క‌న‌బ‌రుస్తూ 0.1% త‌గ్గుద‌ల‌ను న‌మోదు చేసింది. ఏప్రిల్‌-జ‌న‌వ‌రి నెల‌ల మ‌ధ్య‌లో ఐఐపీ వృద్ది 0.6 శాతంగా ఉంద‌ని ఒక అధికారి శుక్ర‌వారం వెల్ల‌డించారు.