టాప్ గెయిన‌ర్‌గా రిల‌య‌న్స్‌, ఐటీ రంగం న‌ష్టాల్లోకి
యూరోపియ‌న్ మార్కెట్లు ఇచ్చిన ఉత్సాహంతో పాటు, యూపీలో భాజ‌పా గెల‌వ‌నుంద‌న్న అంచ‌నాల మ‌ధ్య దేశీయ మార్కెట్లు లాభాల్లో ప‌య‌నించాయి. బీఎస్ఈ సెన్సెక్స్ 216 పాయింట్లు లాభ‌ప‌డి 29,048 వ‌ద్ద ముగియ‌గా; నిఫ్టీ 65.90 పాయింట్లు(0.74%) పుంజుకుని 8963.45 వ‌ద్ద స్థిర‌ప‌డింది. ఎన్ఎస్ఈ సూచీ నిఫ్టీకి మార్చి,2015 త‌ర్వాత ఇదే అత్య‌ధిక క్లోజింగ్‌.
బీఎస్ఈలో రంగాల వారీగా చూస్తే చమురు,స‌హ‌జ‌వాయు రంగం(1.3%), మౌలిక రంగం(1.29%), వాహ‌న రంగం(1.22%), విద్యుత్-ప‌వ‌ర్ రంగం(1.17%) పుంజుకున్నాయి. మ‌రో వైపు ఐటీ సూచీ 0.13 శాతం, క‌న్సూమ‌ర్ డ్యూర‌బుల్స్ 0.02% క్షీణించాయి.
సెన్సెక్స్ గెయిన‌ర్ల‌లో రిల‌య‌న్స్‌(3.69%), అదానీ పోర్ట్స్‌(2.57%), టాటా మోటార్స్‌(2.18%), ఎస్‌బీఐ(1.81%), భార‌తీ ఎయిర్‌టెల్(1.81%) ఉండగా; టీసీఎస్‌(0.85%), డా. రెడ్డీస్ ల్యాబ్స్ (0.5%), స‌న్ ఫార్మా(0.48%),హెచ్‌డీఎఫ్‌సీ(0.39%), హెచ్‌యూఎల్(0.36%) న‌ష్ట‌పోయిన వాటిలో ముందు ఉన్నాయి.