బ్యాంకు ఉద్యోగుల సమస్యల పరిష్కారం కోసం యునైటెడ్‌ ఫోరమ్‌ ఆఫ్‌ బ్యాంక్‌ యూనియన్స్‌ ఈ నెల 28న సమ్మెకు పిలుపునిచ్చాయి. ఈ నెల 21 చీఫ్‌ లేబర్‌ కమిషనర్‌తో జరిపిన చర్చలు విఫలమవటంతో సమ్మెకు పిలుపునిచ్చినట్లు అఖిల భారత బ్యాంక్‌ ఉద్యోగుల సంఘం అధ్యక్షుడు సీహెచ్ వెంక‌టాచ‌లం తెలిపారు. బ్యాంకుల ప్రైవేటీకరణ, పేరుకుపోయిన మొండి బకాయిల వసూళ్లకు తగిన చర్యలు తీసుకోకపోవటంతో తాము సమ్మెకు దిగాల్సి వచ్చిందని ఆయన అన్నారు. యునైటెడ్ ఫోరంలో ఉన్న అన్ని బ్యాంకు ఉద్యోగుల సంఘాలు స‌మ్మెలో పాల్గొన‌నున్నాయి. దీంతో మంగ‌ళ‌వారం బ్యాంకు సేవ‌ల‌కు అంత‌రాయం క‌లిగే అవ‌కాశం ఉంది.