గ్రామీణ ప్రాంతాల్లో ఎత్తులో ఎగిరే బెలూన్ల ద్వారా ఇంట‌ర్నెట్‌ను స‌మ‌కూర్చేందుకు ప్ర‌యత్నాలు చేస్తున్న‌ట్లు గూగుల్ ప్ర‌క‌టించింది. ఈ ప్రాజెక్టు పేరును గ‌తంలోనే ప్రాజెక్ట్ లూన్‌గా ప్ర‌క‌టించిన సంగ‌తి తెలిసిందే.కంపెనీ ఎక్స్ రీసెర్చీ ల్యాబ్ చేస్తున్న పరిశోధ‌న‌ల్లో ప్రాజెక్టు లూన్ ఒక భాగం. మెషీన్ లెర్నింగ్‌కు ఇది బాగా ఉప‌యోగ‌ప‌డ‌గ‌ల‌ద‌ని కంపెనీ చెప్పింది. దీని ద్వారా వాతావ‌ర‌ణ సాంకేతిక వ్య‌వ‌స్థ‌లు మ‌రింత లోతుగా అభివృద్ది చెంద‌గ‌లవ‌ని తెలుస్తోంది. వాతావ‌ర‌ణ అంచ‌నాల్లో మ‌రింత స్ప‌ష్ట‌త ఏర్ప‌డుతుంద‌ని గూగుల్ ఆలోచ‌న‌గా ఉంది. అంతే కాకుండా కేవ‌లం ఒక ప్రాంతంలో ప‌రిస్థితుల‌ను, వాతావ‌ర‌ణ స్థితిగ‌తుల‌ను గురించి తెలుసుకునేందుకు ఈ వ్య‌వ‌స్థ తోడ్ప‌డ‌గ‌ల‌ద‌ని బీబీసీ వార్తా సంస్థ వెల్ల‌డించింది.అల్పాభెట్ ఎక్స్ యూనిట్ అధిప‌తి అస్ట్రో టెల్ల‌ర్ చెబ‌తున్న దాని ప్ర‌కారం ఏదైనా దేశంలో ప్ర‌త్యేకంగా ఏదైనా స్థ‌లంలో కావాల్సిన వివ‌రాల‌ను ప్ర‌యోగాత్మ‌కంగా తెలుసుకోవ‌చ్చ‌ట‌.