ప్రభుత్వ రంగ బ్యాంకింగ్‌ దిగ్గజం.. దేశంలోనే అతిపెద్ద బ్యాంకు అయిన స్టేట్‌బ్యాంక్‌ ఆఫ్‌ ఇండియా(ఎస్‌బీఐ) ఈ ఆర్థిక సంవత్సరం క్యూ3లో ప్రోత్సాహకర ఫలితాలు సాధించింది. క్యూ3(అక్టోబర్‌-డిసెంబర్‌)లో నికర లాభం రెట్టింపునకుపైగా ఎగసి రూ. రూ. 2610 కోట్లను తాకింది. గతేడాది(2015-16) క్యూ3లో రూ. 1110 కోట్లు ఆర్జించింది. ఈ కాలంలో నికర వడ్డీ ఆదాయం కూడా దాదాపు 8 శాతం పెరిగి రూ. 14,752 కోట్లకు చేరింది. ప్రొవిజన్లు రూ. 7959 కోట్ల నుంచి రూ. 8943 కోట్లకు పెరిగాయి. త్రైమాసిక ప్రాతిపదికన తాజా కేటాయింపులు(ఫ్రెష్‌ స్లిప్పేజెస్‌) ఫ్రెష్‌ స్లిప్పేజెస్‌ రూ. 10,185 కోట్లకు స్వల్పంగా తగ్గాయి. క్యూ2లో ఇవి రూ. 10,341 కోట్లుగా నమోదుకాగా.. ఇతర ఆదాయం రూ. 6087 కోట్ల నుంచి రూ. 9662 కోట్లకు పెరిగింది. ఇది కూడా చ‌ద‌వండి ఎస్‌బీఐ ఖాతాదారుల‌కు ఉప‌యోగ‌ప‌డే యాప్‌లు