ఆన్‌లైన్ ట్రావెల్ సంస్థ యాత్రా డాట్‌కామ్.. ఆంధ్రప్రదేశ్ ప్రభుత్వంతో ఓ ఒప్పందం కుదుర్చుకుంది. హాలిడే ప్యాకేజీల ద్వారా రాష్ట్ర పర్యాటక రంగాన్ని అభివృద్ధి పరచడంలో భాగంగా ఈ ఒప్పందాన్ని చేసుకున్నట్లు బుధవారం సంస్థ తెలిపింది. అవగాహన ఒప్పందం ప్రకారం ఆంధ్రప్రదేశ్‌లోని పర్యాటక ప్రాంతాలకు పర్యాటకుల సంఖ్య పెరిగేలా యాత్రా డాట్‌కామ్ పనిచేస్తుంది. అతిథులకు స్థానికంగా బసను ఏర్పాటు చేస్తుంది. అదికూడా ఇక్కడ నివసిస్తున్నవారి ఇళ్లలోనే ఈ ఏర్పాటు చేస్తామని, పర్యాటకులు స్థానికుల ఇళ్లలో గదులను అద్దెకు తీసుకోవడం, లేదా మొత్తం ఇంటినే బాడుగ తీసుకోవడం చేయవచ్చని కంపెనీ ప్ర‌క‌ట‌న‌లో వెల్ల‌డించింది.

ఇండియాలో ఇప్పుడిప్పుడే స్థానికుల ఇళ్ల‌లో గ‌ది అద్దె విధానం(హోం స్టే)కు ప్రాముఖ్య‌త పెరుగుతోంది. ఈ భాగ‌స్వామ్యం ద్వారా స్థానికుల‌కు ఆదాయం పెరుగుతుంద‌ని యాత్రా సీవోవో(బిజినెస్ టు క‌న్సూమ‌ర్స్) శ‌ర‌త్ థాల్ వెల్ల‌డించారు. నూత‌న ఒప్పందం కార‌ణంగా యాత్రా ఆ వెబ్‌సైట్లో హోంస్టే కోసం 200 స్థల‌,ఇళ్ల వివ‌రాల‌ను లిస్ట్ చేయ‌నుంది. భార‌త‌దేశ వ్యాప్తంగా 130 న‌గ‌రాల్లో 3000 హోంస్టేల‌ను యాత్రా.కామ్ నిర్వ‌హిస్తోంది.