త‌మ సాంకేతిక‌త‌లో మార్పులు చేస్తున్న కార‌ణంగా బ్యాంకింగ్ సేవ‌లకు అంత‌రాయం క‌ల‌గ‌నుంద‌ని ప్రముఖ ప్రయివేట్ బ్యాంక్ ఎస్ బ్యాంక్ తెలిపింది. ఈ సమ‌యంలో ఇంటర్నెట్ బ్యాంకింగ్ సేవలు తాత్కాలికంగా అందుబాటులో ఉండవంటూ ఖాతాదారుల‌కు మెఇయ‌ల్ పంపింది . తమ ఖాతాదారులకు మరింత ఉన్నతమైన బ్యాంకింగ్ అనుభవాన్ని అందించే దిశగా సిస్టంను అప్ గ్రేడ్ చేస్తున్న కారణంగా నాలుగురోజుల పాటు తమ సేవలు అందుబాటులో ఉండవని ఇ-మెయిల్ నోటిఫికేషన్ ద్వారా వినియోగదారులకు బ్యాంకు సమాచారం అందించింది.

ఫిబ్రవరి 10 శుక్రవారం సాయంత్రం 6గంటల నుంచి ఫిబ్రవరి 13వ తేదీ వరకూ ఎల‌క్ట్రానిక్ చెల్లింపులు అందుబాటులో ఉండవని ఎస్ బ్యాంక్ వెల్ల‌డించింది. ముఖ్యంగా నెట్ బ్యాంకింగ్, మొబైల్ బ్యాంకింగ్, ఎలక్ట్రానిక్ చెల్లింపులు (NEFT / RTGS / IMPS), ఎస్ ఎమ్ ఎస్ బ్యాంకింగ్, యూఎస్ఎస్డీ లాంటి బ్యాంకింగ్ సేవలకు ఇబ్బందులు ఎదుర‌వుతాయి. ఈ అసౌకర్యానికి చింతిస్తున్నామనీ, ఖాతాదారుల పూర్తి సహకారాన్ని అభ్యర్థిస్తున్నామని యెస్ బ్యాంక్ ఇ-మెయిల్ నోటిఫికేషన్ లో తెలిపింది.