ఇప్ప‌టికే ఉన్న రెండేళ్ల భాగ‌స్వామ్యాన్ని మ‌రింత ముందుకు తీసుకెళ్లే దిశ‌గా మాస్ట‌ర్ కార్డ్‌, సీఏఐటీ(కంపెనీ మాస్ట‌ర్‌కార్డ్ అండ్ ట్రేడ‌ర్స్ బాడీ) క‌స‌ర‌త్తు చేస్తున్నాయి. వ్యాపార‌స్థుల్లో డిజిట‌ల్ చెల్లింపుల‌ను ప్రోత్సహించేందుకు గాను డిజిట‌ల్ అప్నా వ్యాపార్ భ‌డావో(డిజిట‌ల్‌కు మ‌ళ్లండి, వ్యాపారాన్ని పెంచుకోండి) అనే ప్ర‌చారాన్ని మొద‌లుపెట్టారు. 30 న‌గ‌రాల్లో 90 రోజుల పాటు ఈ ప్ర‌చారం జ‌రుగుతుంద‌ని రెండు సంస్థ‌ల ఉమ్మ‌డి స‌మావేశంలో తెలియ‌జేశారు.

ప్ర‌చారంలో భాగంగా 500 క్యాంపులు నిర్వ‌హించి త‌ద్వారా 5 ల‌క్ష‌ల మంది వ్యాపార‌, వాణిజ్య వ‌ర్గాల వారిని ఆర్థిక సంస్థ‌ల‌తో చేరువ చేస్తామ‌ని ప్ర‌ణాళిక‌గా పెట్టుకున్నారు. మాస్ట‌ర్ యువ‌ర్ కార్డు పేరిట ట్రేడ‌ర్ల‌కు అవ‌గాహ‌న కార్య‌క్ర‌మాలు ఏర్పాటు చేస్తారు. ఈ విష‌యాల‌ను మాస్ట‌ర్ కార్డ్ సీనియ‌ర్ వైస్ ప్రెసిడెంట్(అంత‌ర్జాతీయ పాల‌సీ వ్య‌వ‌హారాలు, క‌మ్యూనిటీ సంబంధాలు) ర‌వి అరోరా వెల్ల‌డించారు. మొద‌టి ప్ర‌చార కార్య‌క్ర‌మం నాగ్‌పూర్‌తో ప్రారంభించ‌బోతున్న‌ట్లు సీఏఐటీ ప్ర‌ధాన కార్య‌ద‌ర్శి ప్ర‌వీణ్ ఖండేల్‌వాల్ చెప్పారు.