త్వ‌ర‌లో ఆర్‌బీఐ కొత్త రూ.100 నోట్ల‌ను ప్ర‌వేశ‌పెట్ట‌బోతోంది. మ‌హాత్మాగాంధీ-2005 సిరీస్‌లో స‌ర్క్యేలేష‌న్లోకి తీసుకురానున్న‌ట్లు శుక్ర‌వారం ప‌త్రికా ప్ర‌క‌ట‌న విడుద‌ల చేసింది.
* నోటుపై ఉన్న నంబ‌ర్ ప్యానెల్‌లో ఇంగ్లీష్ అక్ష‌రం 'Rతో ఉన్న కొత్త రూ.100 నోటుపై ఆర్బీఐ గ‌వ‌ర్న‌ర్ ఉర్జీత్ ప‌టేల్ సంత‌కం ఉంటుంద‌ని ఆర్బీఐ ఆ ప్ర‌క‌ట‌న‌లో తెలిపింది.
* ముద్ర‌ణా సంవ‌త్స‌రం 2017 అని నోటు వెన‌క‌వైపు ఉంటుంది.
* కొత్త‌గా రానున్న రూ.100 నోటు 2005లో అప్ప‌టి రూ.100 నోటు ఎలా ఉందో అలానే ఉంటుంద‌ని ఆర్బీఐ స్ప‌ష్టం చేసింది.
* నంబ‌ర్ ప్యానెల్ ఉన్న సంఖ్య‌ల సైజు అసెండింగ్ ఆర్డ‌ర్ అంటే ఆరోహ‌ణ క్ర‌మంలో ఉంటాయ‌ని, బ్లీడ్ లైన్స్‌తో పాటు గుర్తుప‌ట్టేందుకు వీలుగా పెద్ద సైజులో డిజైన్ ఉంటుంద‌ని ఆర్బీఐ పేర్కొంది.
* కొత్త డిజైన్‌తో రూ.100 నోటు వ‌చ్చిన‌ప్ప‌టికీ ప్ర‌స్తుతం ఉన్న నోటు కూడా చెల్లుబాటులో ఉంటుంద‌ని కేంద్ర బ్యాంకు స్ప‌ష్టం చేసింది.