ఎంపీ ఇ.అహ్మద్‌ మృతిపట్ల లోక్‌సభ సంతాపం ప్రకటించింది. ఉదయం సభ ప్రారంభం కాగానే స్పీకర్‌ సమిత్రా మహాజన్ మాజీ మంత్రి, పార్ల‌మెంటేరియ‌న్‌ అహ్మద్‌ సంతాప తీర్మానాన్ని ప్రవేశపెట్టారు. అహ్మద్‌ మృతి తీరని లోటని.. ప్రజాప్రతినిధిగా ఆయన సేవలు చిరస్మరణీయమని స్పీకర్‌ అన్నారు. అనంతరం సభ్యులందరూ కాసేపు మౌనం పాటించి సంతాపం ప్రకటించారు.
బడ్జెట్‌ 2017-18ను కేంద్ర ఆర్థికశాఖ మంత్రి అరుణ్‌ జైట్లీ లోక్‌సభలో ప్రవేశపెట్టారు. లోక్‌సభ ప్రారంభమైన వెంటనే లోక్‌సభ సభ్యుడు అహ్మద్‌ మృతి పట్ల సభ్యులు సంతాపం వ్యక్తం చేశారు. విపక్ష సభ్యులు బడ్జెట్‌ సమర్పణను వాయిదా వేయాలని కోరినప్పటికీ స్పీకర్‌ అనుమతించలేదు. అనంతరం జైట్లీ బడ్జెట్‌ ప్రసంగాన్ని ప్రారంభించారు. 92 ఏళ్ల సంప్రదాయాన్ని కాదని తొలిసారి రైల్వే బడ్జెట్‌ను కూడా సాధారణ బడ్జెట్‌లో భాగంగా ప్రవేశపెట్టారు.