అమరావతిలో ల్యాండ్ పూలింగ్‌కు భూములిచ్చిన‌ రైతులకు శుభవార్త, మూల‌ధ‌న లాభాల ప‌న్ను(క్యాపిటల్‌ గెయిన్స్‌ రద్దు) ర‌ద్దు చేస్తున్న‌ట్లు ప్ర‌క‌టించారు. రాజధాని ప్రాంతంలో భూములు విక్రయించినవారికి పన్ను మినహాయింపు ల‌భిస్తుంది. రాష్ట్రం ఏర్పాటు అయిన 2014 నుంచి క్యాపిటల్‌ గెయిన్స్‌ రద్దు వ‌ర్తిస్తుంది. ల్యాండ్‌ పూలింగ్‌లో ఉన్నవారికి మాత్రమే క్యాపిటల్‌ గెయిన్స్‌ పన్ను రద్దు.

నవ్యాంధ్ర రాజధాని కోసం వేలాది ఎకరాల భూమిని స్వచ్ఛందంగా ఇచ్చిన(ల్యాండ్ పూలింగ్‌) రైతులకు కేంద్ర ప్రభుత్వం బ‌డ్జెట్లో వరమిచ్చింది. అమరావతి ప్రాంత‌ వాసులకు మూలధన పన్ను లాభాల నుంచి మినహాయింపునిచ్చింది. బడ్జెట్‌ ప్రసంగంలో కేంద్ర ఆర్థిక మంత్రి అరుణ్‌ జైట్లీ ఈ వరాన్ని ప్రకటించారు. దీంతో విష‌యంలో ఆంధ్రప్రదేశ్‌ రాష్ట్ర ప్రభుత్వం చేసిన కృషి ఫలించినట్లయింది.