ఫిబ్ర‌వ‌రి 4 నుంచి 5 రాష్ట్రాల ఎన్నిక‌ల నేప‌థ్యంలో బ‌డ్జెట్ స‌మ‌ర్పించ‌బోతున్న కేంద్రానికి ఈసీ కొన్ని సూచ‌న‌లు చేసింది. సుప్రీం ప‌చ్చా జెండా ఊపినా ఈసీ స‌ల‌హాల‌తో కేంద్ర ప్ర‌భుత్వానికి కొంచెం కష్ట‌మే అనిపిస్తోంది. 5 రాష్ట్రాల్లో కేంద్రం చేసిన ప‌నుల గురించి గానీ, కొత్త ప‌థ‌కాల ఊసులు గానీ ఉండ‌కూద‌ని ఈసీ తెలిపింది.
రాష్ట్రాల‌కు ప్ర‌త్యేకించిన ప‌థ‌కాల‌ను వెల్ల‌డించ‌కుండా సంయ‌మ‌నం పాటించాల్సి ఉంద‌ని ఎన్నిక‌ల సంఘం వెల్ల‌డించింది. ఆర్థిక మంత్రి అరుణ్ జైట్లీ ప్ర‌సంగంలో సైతం ఐదు రాష్ట్రాల్లో ప్ర‌భుత్వం చేప‌ట్టిన కార్య‌క్ర‌మాల‌, ప‌థ‌కాల గురించి ప్రత్యేకంగా ప్ర‌స్తావ‌న‌లు ఉండ‌కూడ‌ద‌ని ఈసీ చెప్పింది. బ‌డ్జెట్‌ను ఫిబ్ర‌వ‌రి 1న ప్ర‌వేశ‌పెట్ట‌కూడ‌దంటూ కాంగ్రెస్‌, తృణ‌మూల్ కాంగ్రెస్‌, స‌మాజ్‌వాదీ, బీఎస్పీ, జ‌న‌తాద‌ళ్, ఆర్‌జేడీ ఈసీని ఆశ్ర‌యించిన నేప‌థ్యంలో ఎన్నిక‌ల సంఘం ఈ నిర్ణ‌యాల‌ను వెలువ‌రించింది.