లాభాల‌తో ముగిసిన మార్కెట్లు
మదుపరులు స్థిరంగా పెట్టుబడులను కొనసాగించడం, ఆసియా మార్కెట్లు మిశ్రమ ధోరణితో ట్రేడ్‌ అవుతుండటం దేశీయ మార్కెట్లకు క‌లిసొచ్చింది. ఉదయం మార్కెట్లు లాభాలతోనే ప్రారంభమయ్యాయి. రోజు మొత్తం సానుకూలంగా కదిలి స్వల్ప లాభాలతో ముగిశాయి. ట్రేడింగ్‌ ముగిసేసరికి ప్రామాణిక సూచీ సెన్సెక్స్‌ 51 పాయింట్లు పెరిగి 27,309 వద్ద నిలవగా, నిఫ్టీ 18 పాయింట్లు పుంజుకుని 8,435 వద్ద స్థిరపడింది. అయితే సాంకేతికంగా కీలకమైన 8,450ను దాట‌లేకపోయింది. ఎన్‌ఎస్‌ఈలో ఆటో, ఎఫ్‌ఎంసీజీ రంగాలు 0.5 శాతం స్థాయిలో లాభపడగా.. ఫార్మా, రియల్టీ, బ్యాంక్‌ నిఫ్టీ 0.6-0.2 శాతం మధ్య నష్టపోయాయి.