నేష‌న‌ల్ శాంపిల్ స‌ర్వే అధ్య‌య‌నం ప్ర‌కారం గ్రామీణ ప్రాంతాల్లోని ప్ర‌జ‌లలో 31.4% మంది రుణ‌గ్ర‌స్తులుగా ఉన్నారు. స‌గ‌టున ఒక్కొక్క‌రిపై ఉన్న అప్పు రూ.1,03,000 గా ఉంది. అదే ప‌ట్ట‌ణ ప్రాంతాల్లో చూస్తే 22.4% మంది అప్పుల్లో ఉండ‌గా, ఒక్కొక్క‌రిపై ఉన్న స‌గ‌టు రుణ మొత్తం రూ. 3,78,000గా ఉంది. ఉపాధి అవ‌కాశాలు స‌రిప‌డ‌నంత లేక‌పోవ‌డం వ‌ల్లే స్వ‌యం ఉపాధి, వైద్య ఖ‌ర్చుల కోసం చాలా మంది రుణాల కోసం వెళుతున్న‌ట్లు విశ్లేష‌కులు భావిస్తున్నారు. మిగిలిన జ‌నాభాలో 30% మంది అప్పుల పాల‌వుతుండ‌గా; ఎస్టీ వ‌ర్గాల్లో 16.9% మాత్ర‌మే అప్పుల బారిన ప‌డుతున్న‌ట్లు గ‌ణాంకాల ద్వారా తెలుస్తోంది. ఇవ‌న్నీ అధికారిక గ‌ణాంకాల ద్వారా తెలిసిన వాస్త‌వాలు మాత్ర‌మే. గ్రామీణుల్లో అవ్య‌వ‌స్థీకృత మార్గాల ద్వారా తీసుకున్న రుణాల వివ‌రాలు ఇందులోకి రాక‌పోవ‌చ్చు.