పెట్రో ఉత్పత్తుల ధరలు మళ్లీ పెరిగాయి. పెట్రోల్ ధ‌ర‌ను లీటర్‌ రూ. 1.29, డీజిల్ లీటర్ 97 పైస‌లు చొప్పున పెంచుతున్నట్లు ఆయిల్‌ మార్కెటింగ్ కంపెనీలు ప్రకటించాయి. ఇక ఇప్పటికే ఏటీఎఫ్‌ ధరలను మరింత ఎక్కువ‌గా(8%) పెంచిన సంగ‌తి తెలిసిందే.

అంతర్జాతీయ మార్కెట్లలో ముడిచమురు ధరలు పుంజుకోవడంతో దేశీయంగానూ వీటి ధరలు మరోసారి పెరిగాయి. కాగా, ఢిల్లీలో పన్నులు కలుపుకుని పెట్రోల్‌ ధర లీటర్‌కు రూ. 1.66 పెరిగితే, డీజిల్‌ రూ. 1.14 ఎగసింది. గత నెల రోజులను పరిగణిస్తే పెట్రోల్‌ ధరలు పెరగడం ఇది మూడోసారి కావడం గమనించదగ్గ అంశం. డిసెంబర్‌ 17న పెట్రోల్‌ ధరను లీటర్‌కు రూ. 2.21, డీజిల్‌ ధరను రూ. 1.79 చొప్పున హెచ్చించిన సంగతి తెలిసిందే. వెరసి నేటి ట్రేడింగ్‌లో ఐవోసీ, హెచ్‌పీసీఎల్‌, బీపీసీఎల్‌ స్టాక్స్‌ సానుకూలంగా సంచరించే వీలున్నట్లు విశ్లేషకులు పేర్కొంటున్నారు.