పన్ను రేట్లు తగ్గించాల్సిన అవసరముందన్న జైట్లీ వ్యాఖ్యలకు మంగళవారం దూసుకెళ్లిన దేశీయ మార్కెట్లు ఈ రోజూ లాభాల‌తో ప్రారంభ‌మ‌య్యాయి. సానుకూల ప్రపంచ మార్కెట్లు, దేశీ ఫండ్స్‌ భారీ కొనుగోళ్ల నేపథ్యంలో సానుకూలంగా ప్రారంభ‌మైన ట్రేడింగ్ చివరికి నిరాశగా ముగిసింది. సెన్సెక్స్‌ 3 పాయింట్లు తగ్గి 26,211 వద్ద ముగియ‌గా, నిఫ్టీ 2 పాయింట్లు లాభపడి 8,035 వద్ద స్థిరపడింది. అయితే మిడ్‌ సెషన్‌కల్లా నిఫ్టీ 65 పాయింట్లు ఎగసి సాంకేతికంగా కీలకమైన 8,100ను అందుకుంది. ఆపై ట్రేడర్లు లాభాల స్వీకరణకు దిగ‌డంతో త‌గ్గుతూ వ‌చ్చింది. చివరికి నామమాత్ర లాభంతో సరిపెట్టుకుంది. ఈ బాటలో సెన్సెక్స్‌ కూడా ఒక దశలో 200 పాయింట్ల వరకూ పైకి ఎగ‌సిన‌ప్ప‌టికీ చివర్లో ఊపందుకున్న అమ్మకాలతో స్వల్ప నష్టంతో క్లోజ‌యింది.