పెద్ద నోట్ల ర‌ద్దు త‌ర్వాత దేశ‌మంతా ప‌ల్లె, ప‌ట్ట‌ణం తేడా లేకుండా దాని గురించే చ‌ర్చ జ‌రుగుతోంది. కేంద్ర ప్రభుత్వం పాత రూ. 500, రూ. 1000 నోట్ల‌ను రద్దు చేసి వాటి స్థానంలో కొత్త‌ రూ.500, రూ.2000 నోట్లను విడుద‌ల చేస్తున్న‌ది. అయితే వీటి ముద్రణను 'భారతీయ రిజర్వు బ్యాంక్‌ నోట్‌ ముద్రణ్‌లిమిటెడ్‌' (BRBNMPL) వారు చేస్తున్నారు. అయ్యో ఇన్ని నోట్ల‌ను ఒక్క‌సారిగా ప‌నికిరాకుండా చేసి కొత్త‌వి త‌యారుచేయాలంటే ఎంత ఖ‌ర్చ‌వుతోంద‌నే సందేహం చాలా మందికి వ‌చ్చి ఉంటుంది. అయితే ఈ దిశ‌గా మ‌రింత ముందుకు వెళ్లాడు ఓ ఔత్సాహికుడు. త‌ద్వారా కొత్త రూ.500 నోటు ముద్రించేందుకు ఒక్కదానికి రూ.3.09 ఖర్చు అవుతుందని, రూ.2000 నోటు మద్రించేందుకు రూ.3.54 ఖర్చు అవుతుందని తెలిసింది. ముద్రణకు అయ్యే ఖర్చును గురించి చంద్రశేఖర్‌ గౌడ్‌ అనే వ్యక్తి ఆర్‌టీఐ ద్వారా రిజ‌ర్వ్ బ్యాంకుకు చేసిన ద‌ర‌ఖాస్తుకు ఈ విధంగా స‌మ‌ధాన‌మొచ్చింది. పాత నోట్లు రూ.500, 1000 నోట్లను ముద్రించేందుకు ఎంత మొత్తం వసూలు చేస్తున్నామో ప్రస్తుతం కూడా అంతే వసూలు చేస్తున్నట్లు తెలియజేసింది.