గూగుల్ సెర్చ్ ఇంజిన్ త‌యారీకి కృషిచేసిన వారిలో ఒకరైన, దాని మాతృ సంస్థ‌కు ముఖ్య కార్య‌నిర్వాహ‌ణ అధికారి(సీఈవో)గా ప‌నిచేస్తున్న‌ లారీ పేజ్‌కి అరుదైన గౌరవం దక్కింది. ఈ సంస్థ నిక‌ర విలువ 500 బిలియ‌న్ డాల‌ర్ల‌కు పైగా ఉంది. ఆర్టిఫిషియ‌ల్ ఇంటెలిజెన్స్ నుంచి హెల్త్ కేర్ వ‌ర‌కూ దాదాపు వంద‌ల కొద్దీ ప్ర‌త్యేక రంగాల్లో అల్పాబెట్ స‌బ్సిడ‌రీలు త‌మ‌వైన సేవ‌ల‌ను అందిస్తున్నాయి. ఈ ప్ర‌త్యేక‌త‌ల వ‌ల్లే ఫోర్బ్స్ ప్రకటించే ప్రపంచంలో అత్యంత ప్రముఖమైన సీఈవోల జాబితా- 2016లో లారీ పేజ్ ఈ ఏడాది మొదటి స్థానాన్ని దక్కించుకున్నారు. లారీ పేజ్ తర్వాతి స్థానంలో ఫేస్‌బుక్‌ అధినేత మార్క్ జుకర్ బర్గ్ నిలిచారు. ఫోర్బ్స్ ప్రకటించిన ఈ జాబితాలో ఆన్‌లైన్‌ షాపింగ్ రిటైలర్‌గా పేరుగాంచిన అమెజాన్ వ్యవస్థాపకుడు, సీఈవో జెఫ్ బెజోస్ మూడో స్థానాన్ని పొందారు.