8.1 కోట్ల పీఎఫ్ చందాదార్ల ఖాతాల‌ను ఆధార్‌తో అనుసంధానించేందుకు ఈపీఎఫ్‌వో డిసెంబ‌ర్ 31 తారీఖును తుది గ‌డువుగా నిర్ణ‌యించుకుంది. దీని వ‌ల్ల ఆన్‌లైన్ లావాదేవీల‌ను త్వ‌రిత‌గ‌తిన జ‌రిపేందుకు, ఉద్యోగాల మారుతున్న వారి వివ‌రాల‌ను తెలుసుకునేందుకు వీల‌వుతుందని భావిస్తున్నారు.

ప్ర‌ధాన‌మంత్రి ఈపీఎఫ్‌వో ప‌నితీరును స‌మీక్షించి, దాన్ని మ‌రింత యూజ‌ర్ ఫ్రెండ్లీగా త‌యారుచేయాల‌ని కోరిన నేప‌థ్యంలో ఈపీఎఫ్‌వో ఈ నిర్ణ‌యం తీసుకున్న‌ట్లుగా తెలుస్తోంది. కార్మిక శాఖ దాని కింద ప‌నిచేసే ఆధార్ అనుసంధాన‌త‌ను త్వ‌రిత‌గతిన పూర్తిచేయాల‌ని ఆదేశించింది. దీంతో ఆధార్ సీడింగ్‌ను గ‌డువులోపు పూర్తిచేయాల్సిందిగా త‌న ప్రాంతీయ కార్యాల‌యాల‌కు ఈపీఎఫ్‌వో లేఖ‌లు రాసింది.
న‌వంబ‌రు 26 నాటికి 8.113 కోట్ల యూఏఎన్ సంఖ్య‌లుండ‌గా కేవ‌లం 1.97 కోట్ల ఖాతాలు మాత్ర‌మే ఆధార్‌తో అనుసంధానించ‌బ‌డిన‌ట్లు తెలిసింది. ఇందులో 1.60 కోట్ల ఖాతాలకు మాత్ర‌మే కేవైసీ వెరిఫికేష‌న్ పూర్త‌యింది. డిసెంబ‌రు చివ‌రిలోపు అన్ని ఖాతాల‌ను ఆధార్‌తో అనుసంధానించ‌డం క‌ష్ట‌మైన‌ప్ప‌టికీ ఈ విధ‌మైన ఆదేశాలిచ్చార‌ని కార్మిక శాఖ‌లోని అన‌ధికార వ‌ర్గాల స‌మ‌చారం.