దేశ‌వ్యాప్తంగా ల‌క్ష‌లాది మంది పెన్షనర్లకు ఊర‌ట క‌లిగించే నిర్ణ‌యాన్ని ఉద్యోగ భవిష్య నిధి సంస్థ(ఈపీఎఫ్‌వో) ప్ర‌క‌టించింది. పెన్షనర్ల లైఫ్‌ సర్టిఫికెట్‌ సమర్పణ గడువు తేదీని జనవరి 15, 2017 వరకు పొడిగించిన‌ట్లు వెల్ల‌డించింది. పెద్ద నోట్ల రద్దు కారణంగా బ్యాంకుల వద్ద తలెత్తుతున్న సమస్యలను దృష్టిలో పెట్టుకుని ఈ విధ‌మైన నిర్ణయం తీసుకున్నట్లు తెలియ‌జేసింది. సాధారణంగా పెన్షనర్లు ఏటా న‌వంబ‌రులో తమ లైఫ్‌ సర్టిఫికెట్‌ను సమర్పించాలి. అలా చేయని వారికి పింఛ‌ను నిలిపివేస్తారు. పెద్ద నోట్ల రద్దుతో బ్యాంకులకు విపరీతమైన పనిభారం పడినందున ఈ నిర్ణయం తీసుకున్నామ‌ని ఈపీఎఫ్‌వో చెప్పింది. దేశవ్యాప్తంగా ఉన్న 2లక్షల కామన్‌ సర్వీస్‌ సెంటర్ల ద్వారా కూడా పెన్షనర్లు తమ లైఫ్‌ సర్టిఫికెట్లు సమర్పించవచ్చని ఈపీఎఫ్‌వో అధికార వర్గాలు తెలిపాయి. మొబైల్‌ అప్లికేషన్‌ 'జీవన్‌ ప్రమాణ్‌' ద్వారా కూడా ఈ ధ్రువీకరణ పత్రాన్ని పెన్షనర్లు సమర్పించిందేకు వీలుంది.