దేశీయ మార్కెట్లు సోమ‌వారం స్వ‌ల్ప లాభాల‌తో ముగిశాయి. బీఎస్ఈ సెన్సెక్స్ 33.83 పాయింట్ల లాభంతో 26350 వ‌ద్ద‌, నిఫ్టీ 12.60 పాయింట్ల లాభంతో 8126.90 వ‌ద్ద ముగిశాయి.

బీఎస్ఈ సెన్సెక్స్‌లో స్థిరాస్తి రంగం అత్యధికంగా 1.91% లాభ‌ప‌డ‌గా, విద్యుత్‌(1.74%), ఎఫ్ఎమ్‌సీజీ(1.23%), చ‌మురు, స‌హ‌జ‌వాయు(1.06%) దాని త‌ర్వాతి స్థానాల్లో ఉన్నాయి. మ‌రో వైపు క‌న్సూమ‌ర్ డ్యూర‌బుల్ ఇండెక్స్ 1.2%, బ్యాంకింగ్ 1.16%, ఐటీ రంగం 0.15శాతం న‌ష్టాల్లో ముగిశాయి.

సెన్సెక్స్‌లో లాభ‌ప‌డిన వాటిలో భార‌తి ఎయిర్‌టెల్‌(5.53%), అదాని పోర్ట్స్‌(2.6%), ఐటీసీ(2.08%), ఓఎన్‌జీసీ(2.07%), హీరో మోటోకార్ప్‌(2.05%) ముందు వ‌రుస‌లో ఉండ‌గా; న‌ష్ట‌పోయిన వాటిలో ఎస్‌బీఐ(2.82%), ఐసీఐసీఐ బ్యాంకు(1.73%), టీసీఎస్‌(1.02%), ఎల్ అండ్ టీ(0.99%), ఎమ్ అండ్ ఎమ్‌(0.95%) ఉన్నాయి.
ప్ర‌భుత్వం నోట్ల ర‌ద్దు నిర్ణ‌యంతో న‌గ‌దు ప్ర‌వాహం ఎక్కువ‌గా ఉంటుంద‌ని భావించిన ఆర్బీఐ బ్యాంకులు నిర్వ‌హించాల్సిన న‌గ‌దు నిల్వ‌ల నిష్ప‌త్తిని 100 బేసిస్ పాయింట్ల మేర పెంచ‌డంతో ఈ రోజు బ్యాంకింగ్ రంగ షేర్ల‌పై ఒత్తిడి ఏర్ప‌డింది.