మొబైల్ వ్యాలెట్ల‌లో ఉంచుకోగ‌ల డ‌బ్బు ప‌రిమితుల‌ను ఆర్‌బీఐ పెంచింది. రోజుకు ఖాతాలో ఉంచుకోగ‌ల డ‌బ్బును రూ. 10 వేల నుంచి రూ. 20 వేల‌కు పెంచారు. అదే విధంగా వ్యాపారులు నెల‌కు వ్యాలెట్ నుంచి బ‌దిలీ చేసుకోగ‌ల డ‌బ్బు పరిమితిని రూ. 50 వేలుగా నిర్ణ‌యించారు. ఇది కేవైసీ వెరిఫై కాని వారికి ఇంత‌కుముందు రూ. 10 వేలుగా మాత్ర‌మే ఉంది. దీని ప్ర‌కారం వ్యాలెట్ క‌లిగిన వారు ఎవ‌రైనా త‌మ సొంత మొబైల్ వ్యాలెట్ల నుంచి బ్యాంకు ఖాతాల‌కు నెల‌కు రూ. 50 వేల వ‌ర‌కూ బ‌దిలీ చేసుకోవ‌చ్చు. ఈ రూ. 50 వేల ప‌రిమితి కేవైసీ వెరిఫికేష‌న్ లేనివారికి సైతం వ‌ర్తిస్తుంది. ఈ స‌డ‌లింపు డిసెంబ‌రు 30 వ‌ర‌కూ మాత్ర‌మేన‌ని రిజ‌ర్వ్‌బ్యాంక్ వెల్ల‌డించింది.