ఒక‌ప‌క్క పెద్ద నోట్ల ర‌ద్దుతో పెద్ద ఎత్తున డ‌బ్బు వ‌చ్చిప‌డుతున్న త‌రుణంలో దేశీయ బ్యాంకింగ్ దిగ్గ‌జం ఎస్‌బీఐ కొన్ని కాల‌ప‌రిమితి డిపాజిట్ల‌పై 0.15% మేర వ‌డ్డీ రేట్ల‌ను త‌గ్గించింది. ఏడాది కాల‌ప‌రిమితి నుంచి 455 రోజులు కాల‌ప‌రిమితి గ‌ల ట‌ర్మ్ డిపాజిట్ల‌పై వ‌డ్డీ రేట్ల‌ను 7.05 నుంచి 0.15 శాతం త‌గ్గించి 6.90 శాతంగా నిర్ణ‌యించింది. కొత్త వ‌డ్డీ రేట్లు గురువారం నుంచే అమల్లోకి వ‌స్తాయ‌ని ఎస్‌బీఐ ప్ర‌క‌టించింది.

456 రోజుల నుంచి రెండేళ్ల కంటే త‌క్కువ కాల‌ప‌రిమితి క‌లిగిన డిపాజిట్ల వ‌డ్డీ రేట్ల‌ను 7.10% నుంచి 6.95 శాతానికి త‌గ్గించింది. 2 సంవ‌త్స‌రాల నుంచి 3 సంవ‌త్స‌రాల మ‌ధ్య కాల‌ప‌రిమితి ఉన్న డిపాజిట్ల వ‌డ్డీ రేట్ల‌ను 6.85 శాతానికి త‌గ్గించింది. ఈ వ‌డ్డీ రేట్లు కొత్త వాటితో పాటు రెన్యువ‌ల్ అయ్యే డిపాజిట్ల‌కు సైతం వ‌ర్తిస్తాయి.