పెద్ద నోట్ల ర‌ద్దుతో సామాన్యులు, చిరువ్యాపారులు, రోజు వారీ కూలీలు ఇబ్బందులు ఎదుర్కొంటున్నారు. ఎప్ప‌టిక‌ప్పుడు ప‌రిస్థితిని స‌మీక్షిస్తున్న ప్ర‌భుత్వం అందుకు త‌గ్గ చ‌ర్య‌లు తీసుకుంటోంది. త్వ‌ర‌లో దేశ‌వ్యాప్తంగా చిన్న‌సైజు క్యాష్ డిస్పెన్సింగ్ మెషీన్ల‌ను ఏర్పాటుచేయ‌బోతోంది. ఈ మేర‌కు సోమ‌వారం విలేఖ‌రుల స‌మావేశంలో ఆర్థిక‌వ్య‌వ‌హారాల కార్య‌ద‌ర్శి శ‌క్తికాంత దాస్ ప‌లు విష‌యాల‌ను వెల్ల‌డించారు.

3 నెల‌ల పైబ‌డిన క‌రెంటు ఖాతాదార్లు వారానికి రూ. 50 వేల వ‌ర‌కూ విత్‌డ్రా చేసుకోవ‌చ్చ‌ని ప్ర‌క‌టించారు. చిరువ్యాపారుల నుంచి వ‌చ్చిన అభ్య‌ర్థ‌న‌ల మేర‌కు ఈ నిర్ణ‌యం తీసుకున్న‌ట్లు ప్ర‌క‌టించారు.
క‌రెంటు ఖాతా అంటే వ్యాపారులు రోజువారీ న‌గ‌దు నిర్వ‌హ‌ణ‌ల కోసం బ్యాంకుల్లో తెరిచే ఖాతా. సామాన్యులు తెరిచే బ్యాంకు ఖాతాను పొదుపు ఖాతాగా పిలుస్తారు. ఇదివ‌ర‌కే ప్ర‌భుత్వం రోజువారీ ఖాతా విత్‌డ్రాయ‌ల్స్ ప‌రిమితిని పెంచిన సంగ‌తి తెలిసిందే.