మార్కెట్లో ట్రంప్ ప్ర‌కంప‌న‌ల నుంచి కొద్దిగా తేరుకుని అంత‌ర్జాతీయ మార్కెట్ల‌న్నీ సానుకూలంగా ప‌య‌నిస్తున్నాయి. అదే విధంగా దేశీయ మార్కెట్లు సైతం క్రితం న‌ష్టాల నుంచి బ‌య‌ట‌ప‌డ్డాయి. డోజోన్స్ 200 పాయింట్ల‌కు పైగా లాభంతో ముగిసింది. దీంతో భార‌త‌ స్టాక్ మార్కెట్లు ఉద‌యం లాభాల‌తో ప్రారంభ‌మ‌య్యాయి. ఆసియా వ్యాప్తంగా చూస్తే జ‌ప‌నీస్ నిక్కీ 5% పైగా లాభాల్లో ట్రేడ‌వుతోంది. అదే విధంగా హాంగ్‌కాంగ్‌కు చెందిన హాంగ్ సెంగ్ 3%పైగా లాభాల్లో ట్రేడ‌వుతోంది. 12.23 గం.ల స‌మ‌యానికి సెన్సెక్స్ 439(1.61%) లాభంతో 27,691 వ‌ద్ద ఉండ‌గా, నిఫ్టీ 153(1.81%) లాభంతో 8585 వ‌ద్ద కొన‌సాగుతోంది.