బంగారం ధ‌ర‌లు బుధ‌వారం ఒక్క‌రోజులోనే రూ.900 పెరిగి మూడేళ్ల గ‌రిష్టానికి చేరాయి. ఒక ప‌క్క భార‌త ప్ర‌భుత్వం పెద్ద నోట్ల‌ను ర‌ద్దు చేయ‌డంతో పాటు, మ‌రో వైపు అమెరికాలో ట్రంప్ గెల‌వ‌డం దీనికి కార‌ణం. న‌ల్ల‌ధ‌నాన్ని క‌ట్ట‌డి చేసేందుకై కేంద్రం పెద్ద నోట్ల‌ను ర‌ద్దు చేసింది. గ‌తంలో న‌వంబ‌రు 19,2013న బంగారం రూ. 31,820 స్థాయికి చేరింది. ప్ర‌స్తుతం బుధ‌వారం ఒక ప‌క్క స్టాక్ మార్కెట్లు ప‌డ‌టంతో పాటు పెట్టుబ‌డిదారులు స్థిర‌మైన వాటి వైపు మొగ్గుచూప‌డంతో బంగారం ధ‌ర‌లు పైకి ఎగిశాయి. 10 గ్రాముల బంగారం రూ. 900 పెరిగి రూ. 31,750కి చేరింది.

బంగారం ధ‌ర‌ల‌ను చెక్ చేసుకోండి

"ఎక్కువ సంప‌ద‌ను న‌గ‌దు నిల్వ‌ల్లో క‌లిగిన వారు బులియ‌న్ వైపు మొగ్గుచూపారు. సుర‌క్షిత పెట్టుబ‌డుల వైపు మ‌ళ్లేందుకు పెట్టుబ‌డిదారులు ప్ర‌య‌త్నించారు." అని ఢిల్లీకి చెందిన బంగారు వ్యాపారులు చెబుతున్నారు.
సింగ‌పూర్‌లో బంగారం ధ‌ర‌లు 4.8% పెరిగాయి. వెండి ఒక్క‌రోజే రూ.1150 పెరిగి రూ.45వేల మార్కును చేరింది.