అన్ని బ్యాంకు శాఖ‌లు రెండో శ‌నివారం(న‌వంబ‌రు12), ఆదివారం(13వ తేదీ) సైతం ప‌నిచేస్తాయ‌ని ఆర్‌బీఐ బుధ‌వారం ప్ర‌క‌టించింది. మంగ‌ళ‌వారం రూ. 500, రూ. 1000 నోట్ల‌ను ర‌ద్దు చేసిన నేప‌థ్యంలో ప్ర‌భుత్వం, ఆర్‌బీఐ త‌దుప‌రి చ‌ర్య‌ల‌కు సిద్దం అవుతున్నాయి.

న‌వంబ‌రు 12, 13 తేదీల్లో బ్యాంకు శాఖ‌ల‌ను తెరిచే ఉంచాల‌ని ఆర్‌బీఐ దేశంలోని అన్ని బ్యాంకుల‌ను ఆదేశించింది. బ్యాంకుల్లో పెద్ద‌ నోట్ల‌ను డిసెంబ‌రు 30 వ‌ర‌కూ మార్చుకునే అవ‌కాశ‌మున్నా ప్ర‌జ‌ల నుంచి పెద్ద ఎత్తున ర‌ద్దీ ఉంటుంద‌ని అంచ‌నా వేసిన నేప‌థ్యంలో ఆర్బీఐ సెలవుల్లో సైతం బ్యాంకుల‌ను ప‌నిచేయాల‌ని ఆదేశించింది. వ్య‌క్తులు ఎవ‌రైనా ఏటీఎమ్‌ల నుంచి రోజుకు ఒక కార్డు మీద రూ. 2000, బ్యాంకు శాఖ ద్వారా రూ. 10 వేలు విత్ డ్రా చేసుకునేందుకు ప‌రిమితి విధించారు. వారానికి ఈ ప‌రిమితి రూ. 20 వేలుగా ఉంది. బ్యాంకులు ఈ రోజు నుంచి ఆదివారం వ‌ర‌కూ ప‌నిచేస్తాయి.