ఈ-కామ‌ర్స్ సంస్థ‌లు ఫ్లిప్‌కార్ట్‌, అమెజాన్ ఇండియా తాత్కాలికంగా క్యాష్ ఆన్ డెలివ‌రీ ఆప్ష‌న్‌ను ర‌ద్దు చేశాయి. ప్ర‌భుత్వం నిన్న అర్ధ‌రాత్రి హ‌ఠాత్తుగా రూ. 500, రూ. 1000 నోట్ల‌ను ర‌ద్దు చేస్తూ తీసుకున్న నిర్ణ‌య‌మే ఇందుకు కార‌ణం. ఈ-కామ‌ర్స్ సంస్థ‌లు ఈ విధంగా నిర్ణ‌యం తీసుకున్న‌ట్లు జీ బిజినెస్ న్యూస్ రిపోర్ట్ చేసింది. ఫ్లిప్ కార్ట్ రూ. 2000 పైబ‌డి విలువ చేసే వ‌స్తువుల‌కు క్యాష్ ఆన్ డెలివ‌రీని అంగీక‌రించ‌డం లేదు. అమెజాన్ ఇండియా ఇప్ప‌టికైతే క్యాష్ ఆన్ సౌక‌ర్యాన్ని క‌ల్పించ‌డం లేద‌ని బ్లూమ్‌బ‌ర్గ్ వార్తా క‌థ‌నాన్ని బ‌ట్టి తెలుస్తోంది.
ప్ర‌ధాన‌మంత్రి న‌వంబ‌రు8న అనూహ్యంగా పెద్ద నోట్ల‌ను ర‌ద్దు చేస్తూ నిర్ణ‌యం తీసుకున్న సంగ‌తి తెలిసిందే. న‌ల్ల‌ధ‌నాన్ని, న‌కిలీ క‌రెన్సీని క‌ట్ట‌డి చేసేందుకు ఈ విధ‌మైన ప‌ద్ద‌తిని అవ‌లంబిస్తున్న‌ట్లు ఆర్థిక నిపుణులు విశ్లేషిస్తున్నారు.