అక్టోబ‌ర్ 10 త‌ర్వాత నెల రోజుల గ‌రిష్టానికి రూపాయి చేరుకుంది. యూఎస్ ఎన్నిక‌ల నేప‌థ్యంలో సానుకూల సంకేతాలతో దేశీయ స్టాక్ మార్కెట్లు సానుకూలంగా సాగ‌డ‌మే ఇందుకు దోహ‌దం చేసింది. 5.04 గం.ల స‌మ‌యానికి డాల‌రుతో రూపాయి 66.62గా ట్రేడ‌వుతోంది. మంగ‌ళ‌వారం ఉద‌యం 66.72 వ‌ద్ద మొద‌లైన రూపాయి 66.63 గ‌రిష్టానికి చేరింది. ఆసియా క‌రెన్సీల‌న్నీ అధిక విలువ‌ల వ‌ద్దే కొన‌సాగుతున్నాయి. ద‌క్షిణ కొరియా క‌రెన్సీ 0.73%, మ‌లేసియ‌న్ రింగ్గిట్ 0.23%, థాయ్ Baht 0.14%, తైవాన్ డాల‌రు 0.06% లాభ‌ప‌డ‌గా ఫిలిప్పీన్స్ పెసో 0.04% న‌ష్టంలోకి వెళ్లింది.