ఇండియన్‌ రైల్వే కేటరింగ్‌ అండ్‌ టూరిజం కార్పొరేషన్‌ (ఐఆర్‌సీటీసీ) మొబిక్విక్‌తో జట్టు కట్టింది. తద్వారా తత్కాల్‌ టికెట్లకు మొబిక్విక్‌(mobikwik) ద్వారా నగదు చెల్లింపులు చేయొచ్చు. 'ఐఆర్‌సీటీసీ, ఐఆర్‌సీటీసీ ఫుడ్‌ఆన్‌ట్రాక్‌ యాప్‌లపై చెల్లింపులను ఆన్‌లైన్‌లో చేప‌ట్టేందుకు ఈ ఏడాది భారతీయ రైల్వేతో మొబిక్విక్‌ భాగస్వామ్యం కుదుర్చుకుంది. ఇప్పుడు తత్కాల్‌ టికెట్ల చెల్లింపుల సౌకర్యాన్ని ప్రవేశపెడుతున్నారు. వినియోగదారులు వేగంగా టికెట్లు బుక్‌ చేసుకోవడానికి ఇది ఉపయోగపడుతుందని మొబిక్విక్‌ సహవ్యవస్థాపకుడు ఉపాసన టాకు అన్నారు. తత్కాల్‌ సమస్యలకు ఇ-క్యాష్‌ చెల్లింపులు పరిష్కారం చూపగ‌ల‌వ‌ని వారు ఆశాభావం వ్య‌క్తం చేశారు. చెల్లింపులు ఆలస్యమైన సందర్భాల్లో టికెట్ల బుకింగ్‌ తిరస్కరణకు గురయ్యే అవకాశం కూడా ఉండదని వెల్లడించింది. మొబిక్విక్‌తో తత్కాల్‌ టికెట్ల చెల్లింపులను రెండు సెకన్లలోపే పూర్తిచేయొచ్చని.. అయితే దీని కోసం వాలెట్‌లో అవసరమైన నగదు ఉండాలి.