ప్ర‌ముఖ ప్రైవేట్ బ్యాంక్ ఐసీఐసీఐ గృహ‌రుణాల‌పై వ‌డ్డీ రేట్ల‌ను త‌గ్గిస్తున్న‌ట్లు ప్రక‌టించింది. ఇప్ప‌టి వ‌ర‌కు గృహ‌రుణాల‌పై ఉన్న వ‌డ్డీ 9.30 శాతం నుంచి 9.15 శాతానికి త‌గ్గించ‌నున్న‌ట్లు ఆ సంస్థ పేర్కొంది. త‌గ్గించిన వ‌డ్డీ రేట్లు నవంబ‌ర్ 2 నుంచి అమ‌ల్లోకి వ‌చ్చిన‌ట్లు చెప్పింది. వార్షిక ఎంసీఎల్ ఆర్ 15 బీపీఎస్ పాయింట్లను తగ్గిస్తున్నట్టు కూడా తెలిపింది.

మ‌హిళా ఖాతాదారుల‌కు 9.15 వ‌డ్డీ రేటుతో రూ.75 ల‌క్ష‌ల వ‌ర‌కు గృహ రుణాల‌ను ఇస్తున్న‌ట్లు తెలిపింది. మ‌రోవైపు వేత‌న ఉద్యోగుల‌కు రుణ వ‌డ్డీ రేటును 9.20 శాతంగా ప్ర‌క‌టించింది. ఇప్పటికే పండగ ఆఫర్ కింద వడ్డీ రేట్లను 0.15% మేర 9.15శాతానికి తగ్గిస్తూ స్టేట్ బ్యాంక్ ఆఫ్ ఇండియా ప్రకటన చేసిన సంగతి తెలిసిందే. ఈ పండ‌గ ఆఫ‌ర్ డిసెంబ‌రు చివ‌రిలోపు తీసుకునే రుణాల‌కు మాత్ర‌మే అని ఎస్‌బీఐ పేర్కొంది.