స్టాక్ మార్కెట్ సూచీల్లో బ‌ల‌మైన కంపెనీ అయిన ఐటీసీ సెప్టెంబ‌రుతో ముగిసిన త్రైమాసికానికి నిక‌ర లాభాల్లో 10.4% వృద్దిని న‌మోదు చేసింది. గ‌తేడాది అదే త్రైమాసికంలో నిక‌ర లాభం రూ. 2263 కోట్ల నుంచి ప్ర‌స్తుత ఏడాది రూ. 2500 కోట్ల‌కు పెరిగింది. సిగ‌రెట్ వ్యాపారంలో లాభాల‌తో పాటు, నాన్‌-సిగ‌రెట్ ఎఫ్ఎమ్‌సీజీలో న‌ష్టాలు త‌గ్గ‌డంతో కంపెనీ లాభాల‌ను ఆర్జించ‌గ‌లిగింది. కంపెనీ మొత్తం ఆదాయం సెప్టెంబ‌రు, 2015 త్రైమాసికంలో రూ. 13,003 కోట్ల నుంచి ప్ర‌స్త‌త ఏడాది సెప్టెంబ‌రు త్రైమాసికానికి రూ. 14,091 కోట్ల‌కు పెరిగింది.

ఐటీసీ సిగ‌రెట్ల రెవెన్యూ గ‌తేడాది రెండో త్రైమాసికంలో రూ. 7963 కోట్లుండగా, ప్ర‌స్తుతం 7% పెరిగి రూ. 8528 కోట్లకు చేరింది. 2016 రెండో త్రైమాసికంలో ఎఫ్ఎమ్‌సీజీ వ్యాపారంలో న‌ష్టాలు రూ. 11.10 కోట్లు ఉండ‌గా ప్ర‌స్తుత 2017 ఆర్థిక సంవ‌త్స‌రం రెండో త్రైమాసికంలో న‌ష‌ట్ఆలు రూ. 3.26 కోట్ల‌కు త‌గ్గాయి. హోట‌ళ్లు, అగ్రి బిజినెస్ వ్యాపార ఆదాయాలు 2% వృద్దిని సాధించాయి. బుధ‌వారం ఐటీసీ స్టాక్ 0.06% పెరిగి రూ. 238.90 వ‌ద్ద ముగిసింది.