బెంగుళూరులో ఒక ఏటీఎమ్ ప్ర‌జ‌ల దృష్టిని ఆక‌ర్షిస్తోంది. మామూలుగా మీరు ఏటీఎమ్‌ల్లోకి వెళ్లి ఏం చేస్తారు? అయితే డ‌బ్బులు తీసుకుంటారు. లేక‌పోతే న‌గ‌దు నిల్వ‌ను తెలుసుకుంటారు. ఏవైనా న‌గ‌దు సంబంధిత లావాదేవీల‌ను మాత్ర‌మే నిర్వ‌హిస్తారు. అయితే ఈ ఏటీఎమ్ మాత్రం అలా కాదండోయ్‌. మీరు డ‌బ్బులిస్తే అది బంగారు కాయిన్ల‌ను ఇస్తుంది.

వినియోగ‌దారుల నుంచి న‌గ‌దును స్వీక‌రించి కాయ‌న్ల‌ను ఇచ్చే ఏటీఎమ్‌ను బ్లూస్టోన్ దీపావ‌ళి సంద‌ర్బంగా ప్ర‌వేశ‌పెట్టింది. మామూలుగా ఏటీఎమ్ వాడ‌టం వ‌చ్చే ఎవ‌రైనా దీన్ని ఆప‌రేట్ చేయ‌టానికి సులువుగా ఉంటుంది. ఒక గ్రాము నుంచి మొద‌లుకొని 20 గ్రాముల కాయిన్ల వ‌ర‌కూ ఇందులో నుంచి పొంద‌వ‌చ్చు.