టాటా సన్స్‌ ఛైర్మన్‌ పదవి నుంచి సైరస్‌ మిస్త్రీని తొల‌గించ‌డంతో ఆసియా మార్కెట్ల మిశ్రమ ఫలితాలతో దేశీయ సూచీలు నేడు నష్టాలతో ముగిశాయి. సెన్సెక్స్‌ 88 పాయింట్లు కోల్పోయి 28,091 వద్ద, నిఫ్టీ 18 పాయింట్లు నష్టపోయి 8,691 వద్ద ముగిశాయి. డాలర్‌తో రూపాయి మారకం విలువ రూ. 66.84 వద్ద కొనసాగుతోంది.
ఇక టాటా స‌న్స్ నిన్నటి నిర్ణయంతో ఆ కంపెనీల షేర్లు సైతం ఆద్యంతం నష్టాల్లోనే కొనసాగాయి. ఎన్ఎస్ఈలో టాటా మోటార్స్‌, టాటా ప‌వ‌ర్‌, టీసీఎస్‌(టాటా క‌న్స‌ల్టెన్సీ స‌ర్వీసెస్‌) షేర్లు 1 నుంచి 2.5% వ‌ర‌కూ న‌ష్ట‌పోయాయి. ఎన్‌ఎస్‌ఈలో అదానీ పోర్ట్స్‌, డాక్టర్‌ రెడ్డీస్‌, ఇన్ఫ్రాటెల్‌, ఏషియన్‌ పెయింట్స్‌, ఐసీఐసీఐ బ్యాంకు తదితర షేర్లు లాభపడగా.. టాటాస్టీల్‌, మహీంద్రా అండ్‌ మహీంద్రా, ఐడియా, గెయిల్‌, హిందుస్థాన్‌ యునిలీవర్‌ తదితర షేర్లు నష్టపోయాయి.