మాల్యా విదేశీ ఆస్తుల వివ‌రాల‌ను నాలుగో వారాల్లోగా సంపూర్ణంగా ఇవ్వాల్సిందిగా సుప్రీంకోర్టు ఈ రోజు కీల‌క ఆదేశాలు జారీ చేసింది. దేశ‌వ్యాప్తంగా కొన్ని బ్యాంకులకు వేల కోట్ల రూపాయల రుణాలు క‌ట్ట‌కుండా విదేశాలకు వెళ్లిపోయిన వ్యాపారవేత్త విజయ్‌ మాల్యాపై సుప్రీంకోర్టు మరోసారి ఆగ్రహం వ్యక్తం చేసింది. న్యాయస్థానం ఆదేశాలను మాల్యా తప్పనిసరిగా పాటించాలని, వెంటనే తన ఆస్తుల వివరాలను వెల్లడించాలని స్పష్టం చేసింది. ఈ మేరకు బ్యాంకుల కన్సార్టియం వేసిన పిటిషన్‌ను విచారించిన కేంద్ర న్యాయస్థానం పైవిధంగా ఆదేశించింది. అంతే కాకుండా డియోజియో చెల్లించిన 40 మిలియ‌న్ డాల‌ర్లను ఏ విధంగా వాడుకున్నారో తెలపాల‌నీ న్యాయ‌స్థానం కోరింది.