ఒక‌ప్ప‌టి టెలికాం త‌యారీ దిగ్గ‌జం నోకియా 4జీ నెట్‌వ‌ర్క్ టెక్నాల‌జీకి సంబంధించి ఒక పెద్ద కాంట్రాక్టును ద‌క్కించుకున్న‌ట్లు తెలిపింది. దీని ప్ర‌కారం 9 స‌ర్కిళ్ల‌లో ఎయిర్‌టెల్‌కు సాంకేతిక సేవ‌లు అందించే ప‌నిని నోకియా చేస్తుంది. భార‌తి ఎయిర్‌టెల్ ఇప్ప‌టికే 6 స‌ర్కిళ్ల‌లో 4జీ అందిస్తుండ‌గా కొత్త ఒప్పందం కార‌ణంగా మ‌రో మూడు స‌ర్కిళ్ల‌లో విస్త‌రించేందుకు నోకియా కాంట్రాక్టు ఉప‌యోగ‌ప‌డుతుంద‌ని భావిస్తున్నారు.

నోకియా స్టేట్‌మెంట్
ఈ ఒప్పందంతో ఎయిర్‌టెల్ 4జీకి సంబంధించి అతిపెద్ద స‌ర‌ఫ‌రాదారుగా మేము నిల‌వ‌నున్నాం. నెట్‌వ‌ర్క్ సామ‌ర్థ్యాన్ని, క‌వ‌రేజీని పెంచేందుకు, దేశంలో ఉన్న డేటా డిమాండ్‌ను అందుకునేందుకు నెట్‌వ‌ర్క్ విస్త‌ర‌ణ ఉప‌యోగ‌ప‌డుతుంద‌ని నోకియా ఇండియా మార్కెటింగ్ అధిప‌తి సంజ‌య్ మాలిక్ తెలిపారు.