దేశంలోనే అతిపెద్ద స్పెక్ట్రం వేలం ప్రారంభ‌మైంది. ప్ర‌ముఖ టెలికాం ఆప‌రేట‌ర్ల‌న్నీ బిడ్డింగ్ ప్రారంభించాయి. దీని ద్వారా ప్ర‌భుత్వానికి రూ. 5.63 ల‌క్ష‌ల కోట్ల ఆదాయం సంక్ర‌మించ‌నుంద‌ని అంచ‌నా. ఈ వేలంలో పాల్గొనేందుకు రిల‌య‌న్స్ జియో, వోడాఫోన్‌, ఐడియా సెల్యూలార్‌, భార‌తి ఎయిర్‌టెల్‌, టాటా టెలి స‌ర్వీసెస్‌, రిల‌యన్స్ క‌మ్యూనికేష‌న్స్ అర్హ‌త సాధించాయి. ఈ రోజు వేలం 10 గంట‌ల‌కు ప్రారంభ‌మైంది. రేప‌టి నుంచి రోజూ ఉద‌యం 9 గంట‌ల నుంచి సాయంత్రం 7 గంట‌ల వ‌ర‌కూ వేలం జ‌రుగుతుంది. 700, 800, 900, 1800, 2100, 2300, 2500 మెగామెర్జ్జ్ బ్యాండ్ల‌లో ఫ్రీక్వెన్సీని విక్ర‌యించ‌నున్నారు. మొత్తం 2354 మెగాహెర్జ్జ్ వేలానికి సిద్దంగా ఉంది. ఈ రేడియో త‌రంగాల‌ను(ఫ్రీక్వెన్సీని) 2జీ, 3జీ, 4జీ మొబైల్ సేవ‌ల‌కు ఉప‌యోగించుకోవ‌చ్చు. ఏ రోజుకారోజు బిడ్డింగ్ ఫ‌లితాల‌ను టెలికాం శాఖ ప్ర‌క‌టిస్తుంది.