గత కొన్ని రోజులుగా పెరుగుతున్న బంగారం ధరలు కాస్త దిగొచ్చాయి. శనివారం రూ. 300లకు పైగా తగ్గడంతో ప‌సిడి ధర వారం రోజుల కనిష్ఠానికి చేరింది.325 రూపాయ‌లు తగ్గి.. బులియన్‌ మార్కెట్లో 99.9 శాతం స్వచ్ఛత గల పది గ్రాముల పసిడి ధర రూ. 31,200కు చేరింది. ప్ర‌పంచ వ్యాప్తంగా బంగారానికి డిమాండ్ త‌గ్గ‌డంతో ద‌ర‌లు త‌గ్గుముఖం ప‌ట్టాయి.

ప్రపంచ మార్కెట్ల ప్రభావంతో దేశీయంగా నగల తయారీదారులు, వ్యాపారుల నుంచి కొనుగోళ్లు తగ్గినట్లు మార్కెట్‌ వర్గాలు పేర్కొన్నాయి. మరోవైపు పారిశ్రామిక వర్గాలు, నాణేల తయారీ దారుల నుంచి డిమాండ్‌ లేకపోవడంతో వెండి ధర నేడు స్థిరంగా ఉంది.బులియన్‌ మార్కెట్లో కేజీ వెండి ధర రూ. 45,500గా ఉంది.