మారిన చిన్న మొత్తాల పొదుపు ప‌థ‌కాల వ‌డ్డీ రేట్లు

ఆర్థిక శాఖ చిన్న మొత్తాల పొదుపు ప‌థ‌కాల వ‌డ్డీ రేట్ల‌ను మూడో త్రైమాసికంలో స్వ‌ల్పంగా త‌గ్గించింది. అక్టోబ‌ర్-డిసెంబ‌రు త్రైమాసికానికి పీపీఎప్‌, ఐదేళ్ల జాతీయ పొదుపు ప‌త్రాల‌(ఎన్ఎస్‌సీ) ప‌థ‌కాల‌కు 8 శాతానికి వ‌డ్డీ రేట్ల‌ను త‌గ్గించారు. ప్ర‌భుత్వ సెక్యూరిటీల రాబ‌డుల‌కు త‌గ్గ‌ట్లుగా ఆయా ప‌థ‌కాల వ‌డ్డీ రేట్ల‌ను మార్చాల‌న్న నిర్ణ‌యానికి త‌గ్గ‌ట్లుగా వ‌డ్డీ రేట్లు స్వ‌ల్పంగా త‌గ్గాయి. కిసాన్ వికాస్ ప‌త్ర వ‌డ్డీ రేట్లు 7.8 నుంచి 7.7 శాతానికి త‌గ్గాయి. 112 నెల‌ల మెచ్యూరిటీ క‌లిగిన కేవీపీల‌కు ఇది వ‌ర్తిస్తుంది. ఐదేళ్ల నెల‌వారీ ఆదాయ ప‌థ‌కాల్లో ల‌భించే వ‌డ్డీ రేటును సైతం 7.7 శాతానికి త‌గ్గించారు. సుక‌న్య స‌మృద్ది వ‌డ్డీ రేట్ల‌ను ఈ మూడు నెల‌ల కాలానికి 8.6 నుంచి 8.5%గా మార్చారు.
ఐదేళ్ల సీనియ‌ర్ సిటిజ‌న్ స్కీమ్ వ‌డ్డీ రేటు 8.5% కి త‌గ్గింది. ఐదేళ్ల టైమ్(కాల‌ప‌రిమితి) డిపాజిట్, మూడేళ్ల రిక‌రింగ్ డిపాజిట్‌ వ‌డ్డీ రేట్లు 7.3 శాతానికి త‌గ్గాయి. అయితే పొదుపు ఖాతా వ‌డ్డీ రేటుకు 4 శాతం వ‌డ్డీ రేటుల ఎటువంటి మార్పు లేదు.