ప్ర‌పంచ‌వ్యాప్తంగా ప్ర‌తి 10 మందిలో 9 మంది క‌లుషిత గాలిని పీలుస్తున్నార‌ని డ‌బ్ల్యుహెచ్‌వో(ప్ర‌పంచ ఆరోగ్య సంస్థ‌) తెలిపింది. ఇది ఏటా 60 ల‌క్ష‌ల మ‌ర‌ణాల‌కు కార‌ణ‌మ‌వుతోంద‌ని ఆ సంస్థ పేర్కొంది. ఈ స‌మ‌స్య ప‌ట్ట‌ణాల్లో మాత్ర‌మే లేద‌ని గ్రామీణ ప్రాంతాల్లో సైతం గాలి క‌లుషితంగానే ఉన్న‌ట్లు సంస్థ ప్ర‌తినిధులు చెప్పారు. అభివృద్ది చెందిన దేశాల కంటే పేద దేశాల్లో స‌మ‌స్య తీవ్రంగా ఉన్న‌ట్లు చెప్పుకొచ్చారు. ఈ ప‌రిస్థితి ప‌బ్లిక్ హెల్త్ ఎమ‌ర్జెన్సీని తల‌పించేలా ఉంద‌ని డ‌బ్ల్యుహెచ్‌వో అభిప్రాయ‌ప‌డింది. పీఎమ్2.5 అనే క‌లుషిత ప‌దార్థ శాతం ఉండాల్సిన దాని కంటే ఎక్కువ‌గా ఉంద‌ని తెలిపిన ఆ సంస్థ దీని వ‌ల్ల గాలి నాణ్య‌త దెబ్బ‌తింటోంద‌ని తెలిపింది. ఇందులో(పీఎమ్ 2.5) విష వాయువులైన స‌ల్ఫేట్‌, బ్లాక్ కార్బ‌న్ వంటి వాయువులు క‌లిసి ఉంటాయి.