హైదరాబాద్‌ కేంద్రంగా పనిచేసే మెషీన్‌ లెర్నింగ్ స్టార్ట‌ప్‌'తుప్ల్‌ జంప్‌'ను అమెరికా టెక్నాలజీ దిగ్గజం యాపిల్‌ కొనుగోలు చేసింది. 2013లో రోహిత్ రాయ్‌, స‌త్య‌ప్ర‌కాశ్‌, దీప‌క్ ఆలూర్ ఈ కంపెనీని స్థాపించారు. ఇతర కంపెనీల డేటా భ‌ద్ర‌ప‌ర‌చ‌డం, ప్రొసెస్‌, బిగ్‌ డేటా విశ్లేషణలను ప్రత్యేక సాఫ్ట్‌వేర్‌తో తుప్ల్ జంప్‌ నిర్వహిస్తుంది. ఒప్పందం ప్రకారం.. టపుల్‌జంప్‌ సహవ్యవస్థాపకులు రోహిత్‌ రాయ్‌, సత్యప్రకాశ్‌ బుద్ధవరపులు యాపిల్ ఉద్యోగులుగా వ్య‌వ‌హ‌రిస్తారు. చిన్న టెకాల్నజీ కంపెనీలను కాలానుగుణంగా కొనుగోలు చేస్తంటామ‌ని, దీనికి గల అవసరాలు, ప్రణాళికల గురించి వెల్లడించలేమని యాపిల్ ఈ-మెయిల్‌ ప్రకటనలో తెలిపింది. టెక్‌ దిగ్గజాలు యాపిల్‌, గూగుల్‌, ఫేస్‌బుక్‌లకు ఆర్టిఫిషియ‌ల్ ఇంటెలిజెన్స్‌ చాలా కీలకంగా మారింది. ఈ నేపథ్యంలో తమ ఉత్పత్తులను అభివృద్ధి చేసేందుకు అంకుర సంస్థలను ఇవి కొనుగోలు చేస్తున్నాయి.