10 కోట్ల వినియోగ‌దార్ల నమోదుతో ఆ ఘ‌న‌త‌ను సాధించిన మొద‌టి ఈకామ‌ర్స్ కంపెనీగా ఫ్లిప్‌కార్ట్ నిలిచింది. అమెరికా, చైనాల త‌ర్వాత ఒక దేశంలో ఒక కంపెనీ 10 కోట్ల మైలు రాయిని దాట‌డం ఇదేన‌ని ఆ సంస్థ వెల్ల‌డించింది. దీన్ని దేశంలోని బ్రాడ్‌బ్యాండ్ క‌స్ట‌మ‌ర్ల‌తో పోల్చి చూస్తే ఆశ్చ‌ర్య‌క‌ర అంశం వెలుగులోకి వ‌చ్చింది. దేశంలో ఉన్న వైర్‌లెస్‌, వైర్‌లైన్ బ్రాడ్‌బ్యాండ్ క‌స్ట‌మ‌ర్ల‌లో 63% వినియోగ‌దార్ల‌ను ఫ్లిప్‌కార్ట్ క‌లిగి ఉంది. సెప్టెంబ‌రు,2016లో ట్రాయ్ విడుద‌ల చేసిన గ‌ణాంకాల ప్ర‌కారం దేశ‌వ్యాప్తంగా 16 కోట్ల మంది బ్రాడ్‌బ్యాండ్‌ను వినియోగిస్తున్నారు.