దేశంలో ఇంజినీరింగ్ కార్య‌క‌లాపాల‌కు ముగింపు ప‌లుకుతున్న నేప‌థ్యంలో అందుకు సంబంధించిన‌ ఉద్యోగుల‌ను ట్విట్ట‌ర్ తొల‌గించ‌బోతోంది. బెంగుళూరు డెవ‌ల‌ప్‌మెంట్ సెంట‌ర్‌లో ఉన్న ఇంజినీరింగ్ టాస్క్‌ల‌కు మైక్రోబ్లాగింగ్ వెబ్‌సైట్ ముగించాల‌ని అనుకుంటున్నందున ఉద్యోగుల‌కు ఉద్వాస‌న ప‌ల‌కాల్సి వ‌స్తోంది. అయితే ఎంత మంది ఉద్యోగుల‌ను తొల‌గించేది తెలియ‌రాలేదు.

ప్ర‌పంచంలో శ‌ర‌వేగంగా అభివృద్ది చెందుతున్న మార్కెట్ల‌లో భార‌త్ ఒక‌ట‌ని, అందువ‌ల్ల ఇక్క‌డ త‌మ వినియోగ‌దార్లు పెరిగేలా కృషి చేస్తామ‌ని, స‌గ‌టు వినియోగ‌దారుడు ట్విట్ట‌ర్ వాడే స‌మ‌యాన్ని పెంచేందుకు ప్ర‌య‌త్నిస్తామ‌ని ఆదాయాన్ని అభివృద్ది చేసుకునేందుకు అవ‌స‌ర‌మైన కీల‌క విష‌యాల్లో పెట్టుబ‌డుల‌ను పెడుతూనే ఉంటామ‌ని కంపెనీ తెలిపింది. గ‌తేడాది బెంగుళూరుకు చెందిన జిప్ డ‌య‌ల్ కంపెనీని కొన‌డం ద్వారా మొబైల్ మార్కెటింగ్‌, అన‌లిటిక్స్‌లోకి ట్విట్ట‌ర్ ప్ర‌వేశించిన‌ట్లైంది. దాంతో ఇండియ‌న్ సిలికాన్ సిటీలో ఇంజినీరింగ్ కేంద్రాన్ని నెల‌కొల్ప‌గ‌లిగింది. అయితే ఫేస్‌బుక్ లాంటి కీల‌క ప్ర‌త్య‌ర్థి నుంచి ఎదుర‌వ‌తున్న పోటీని ఎదుర్కొనే క్ర‌మంలో ప్ర‌స్తుతం ఇంజినీరింగ్ కేంద్రాన్ని మూసేస్తున్నారు.