ఈ ఆర్థిక సంవ‌త్స‌రంలో ఇప్ప‌టివ‌ర‌కూ మ్యూచువ‌ల్ ఫండ్ సంస్థ‌లు స్టాక్ మార్కెట్లో రూ. 11600 కోట్ల‌ను పెట్టుబ‌డులుగా పెట్టాయి. రిటైల్ పెట్టుబ‌డిదారులు ఎక్కువ‌గా మ్యూచువ‌ల్ ఫండ్ల‌లో ఆసక్తి చూపి పెట్టుబ‌డులు పెట్ట‌డ‌మే ఇందుకు కార‌ణం. మొత్తంగా చూస్తే 2015లో రూ. 70 వేల కోట్ల పెట్టుబ‌డులు, 2014లో రూ. 24 వేల కోట్ల పెట్టుబ‌డులు మ్యూచువ‌ల్ ఫండ్ సంస్థ‌ల నుంచి స్టాక్ మార్కెట్లోకి వ‌చ్చాయి.

గ‌త కొన్నేళ్ల‌లో ఈక్విటీల‌వైపు మొగ్గు చూపే వారి సంఖ్య పెరుగుతోంది. రియ‌ల్ ఎస్టేట్‌, బంగారం వంటివి అంతగా రాబ‌డులు ఇవ్వ‌క‌పోవ‌డ‌మే ఇందుకు కార‌ణం. అని బ‌జాజ్ క్యాపిట‌ల్ గ్రూప్ సీఈవో, డైరెక్ట‌ర్ అనిల్ చోప్రా చెప్పారు. ఏప్రిల్ నెల నుంచి మొద‌లుకొని ఆగ‌స్టు నెల వ‌ర‌కూ ఐదు నెల‌ల వ్య‌వ‌ధిలో 11 ల‌క్ష‌ల పెట్టుబ‌డిదారులు కొత్త‌గా ఖాతాలు తెర‌వ‌డంతో ఆగ‌స్టు నెలాఖ‌రుకు మొత్తం ఖాతాల సంఖ్య 3.7 కోట్ల‌కు చేరింది.
పెట్టుబ‌డుల్లో రాక‌కు రిటైల్ ఇన్వెస్ట‌ర్లు సిప్‌లు క్రియేట్ చేసుకుంటూ ఉండ‌ట‌మే కార‌ణ‌మ‌ని మార్కెట్ నిపుణులు అభిప్రాయ‌ప‌డుతున్నారు. సిప్ అంటే చిన్న‌మొత్తాల్లో క్ర‌మక్ర‌మంగా పెట్టుబ‌డులు పెడుతూ వెల్ల‌డ‌మే. దీనికి కాల‌ప‌రిమితి వారం వారీ, నెల‌వారీ, త్రైమాసికం అలా నిర్ణ‌యించుకోవ‌చ్చు.