టోకు ధరల సూచీ ఆధారిత ద్రవ్యోల్బణం(డబ్ల్యూపీఐ) ఆగ‌స్టు నెల‌లో మళ్లీ పెరిగింది. జూలై నెలలో 3.55 శాతానికి ఎగబాకిన డ‌బ్ల్యూపీఐ ఆగస్టు నెలలో సైతం 3.74 శాతానికి ఎగిసింది. అయితే ఈ పెరుగుదల తక్కువగానే నమోదైంది. ప్రభుత్వం బుధవారం విడుదలచేసిన గ‌ణాంకాల ద్వారా ఈ విషయం వెల్లడైంది. జూలై నెలలో 11.82శాతంగా ఉన్న ఆహార ధరల ఇండెక్స్ ఆగస్టు నెలలో 8.23 శాతంగా నమోదై సూచీలో ఎక్కువ శాతం వెయిటేజీ ఉన్న తయారీ ఉత్పత్తుల ధరలు ఆగస్టు నెలలో 2.42 శాతం పెరుగుద‌ల‌ను న‌మోదు చేశాయి. జూలైలో ఈ ధరలు 1.82 శాతంగా ఉన్నాయి. గతవారంలో విడుదల చేసిన వినియోగదారుల ద్రవ్యోల్బణం(రిటైల్ ఇన్‌ఫ్లేష‌న్‌) ఆగస్టు నెలలో ఐదు నెలల కనిష్టానికి పడిపోయి రేట్ల కోతకు అవకాశం కల్పించగా ఈ ద్రవ్యోల్బణం కొంత ప్ర‌తికూల‌త‌ను తెచ్చిపెట్టింది. ఇంత‌కుముందు గ‌రిష్ట స్థాయిలో టోకు ద్ర‌వ్యోల‌బ్ణం 2014 ఆగ‌స్టులో 3.74%గా ఉంది.