భార‌త బ్యాంకింగ్ రంగ దిగ్గ‌జం ఎస్‌బీఐ చైర్‌ప‌ర్స‌న్ అరుంధ‌తీ భ‌ట్టాచార్య‌, ఐసీఐసీఐ సీఎండీ చందా కొచ్చ‌ర్‌, యాక్సిస్ బ్యాంకు సీఈవో శిఖా శర్మ ఈ ముగ్గురు బ్యాంకర్లు ప్రముఖ అంతర్జాతీయ మ్యాగజైన్ ఫార్చ్యూన్ విడుదల చేసిన అత్యంత శక్తివంతమైన మహిళల్లో చోటుదక్కించుకున్నారు. అమెరికా వెలుప‌లి దేశాలను ఆధారంగా చేసుకుని 50 మంది అత్యంత శక్తివంతమైన మహిళల జాబితాను ఫార్చ్యూన్ రూపొందించింది. ఆ జాబితాలో భట్టాచార్య రెండో స్థానం, చందాకొచ్చ‌ర్ ఐదో స్థానం, శిఖా శ‌ర్మ పందొమ్మిదో స్థానంలో ఉన్నారు.

మూడేళ్లుగా ఎస్‌బీఐకు నేతృత్వం వ‌హిస్తున్న అరుంధతీ భ‌ట్టాచార్య త‌న ప‌నితీరు ఆధారంగా 2వ స్థానాన్ని ద‌క్కించుకున్నారు. దేశీయ ప్ర‌యివేటు రంగ బ్యాంకింగ్ దిగ్గ‌జం ఐసీఐసీఐ బ్యాంకుకు సీఈవోగా వ్య‌వ‌హ‌రించ‌డంతో పాటు ఎండీగా ఉన్న చందాకొచ్చ‌ర్ బ్యాంకింగ్ రంగంలో ఎన్నో సాంకేతిక మార్పుల‌కు ఆహ్వానం ప‌లికారు. దీంతో ఆమె 5వ స్థానంలో నిలిచారు. ప్ర‌యివేటు రంగ బ్యాంకింగ్‌లో ముందు వ‌రుస‌లో నిలిచిన యాక్సిస్ బ్యాంకు సీఈవో శిఖా శ‌ర్మ 19 వ స్థానంలో ఉన్నారు.